निरव शांततेत शोध स्वतःचा.. ✍️

निरव शांततेत शोध स्वतःचा.. ✍️

निरव शांततेत अभ्यास कशाचा?

तर शोध स्वतःचा...

ज्ञान कशासाठी? तर घडवण्यासाठी माणूसपणाचा;

आणि जीवन कशासाठी?

तर अर्थपूर्ण भविष्य घडवण्यासाठी स्वतःचा..!

निरव शांततेत अभ्यास करताना,

स्वतःचा शोध लागतो;

शब्दांच्या गर्दीत नव्हे,

शांततेतच विचारांचा दीप जागतो.

स्वःशोध कशाचा? तर सुखाचा,

स्वतःच्या अस्तित्वाच्या अर्थाचा;

शांततेत घडते क्रांती विचारांची,

जी अस्वस्थ मनाला देते दिशा विवेकाची.

निरव शांततेत अभ्यास कशाचा?

तर शोध स्वतःचा...

गर्दीत गुदमरलेल्या स्वतःच्या श्वासाचा,

शोध घेतो मी माझ्या अंतर्मनाचा;

दररोज कालपेक्षा नव्याने घडण्याचा,

अंधारातून ज्ञानाचा दीप पेटवण्याचा..

लादलेल्या आशा, आकांक्षा, अपेक्षांच्या पलीकडे,

स्वतःची स्वप्ने उभी करायची ध्येयांच्या वाटेवर;

इतरांच्या चौकटीत आयुष्य न जगता,

स्वतःची ओळख स्वतःच्या कर्तृत्वाने घडवायची.

निरव शांततेत अभ्यास कशाचा?

तर शोध स्वतःचा...

नशिबाच्या कुबड्या नकोत आयुष्याला,

प्रयत्नांची पंखे द्या स्वप्नांना;

अपयशाच्या दगडांवर पाय ठेवून,

यशाच्या शिखराकडे चालत राहा जिद्दीने.

प्रश्न विचार, कारण प्रश्नांतून विचार जन्मतो,

विचारांतून विवेक आणि विवेकातून परिवर्तन घडतो;

अंधानुकरणाच्या वाटेवर कधीही हरवू नकोस,

तर्काच्या प्रकाशात स्वतःची दिशा शोधत राहा.

निरव शांततेत अभ्यास कशाचा?

तर शोध स्वतःचा...

पुस्तक उघडताना केवळ धडे वाचू नको,

त्या शब्दांमधला जीवनार्थ शोध;

गुणांच्या आकड्यांपलीकडे माणूस घडव,

ज्ञानाला करुणेची आणि विवेकाची जोड.

शांतता म्हणजे माघार नव्हे,

ती वादळापूर्वीची तयारी असते;

एकाग्र मनाच्या खोल तळाशी,

उद्याच्या विजयाची बीजे रुजत असतात.

निरव शांततेत अभ्यास कशाचा?

तर शोध स्वतःचा...

स्वतःवर विश्वास ठेव, पण अहंकार नको,

स्वप्न मोठे ठेव, पण विचार लहान नको;

पडशील तरी पुन्हा उभा राहण्याची आस ठेव,

कारण प्रत्येक पडझडीत नव्या उंचीची वाट ठेव.

शोध घेतो मनाचा, शोधतोय स्वतःला,

ज्ञानाच्या प्रकाशात घडवतोय उद्याला;

गर्दीपासून दूर, विचारांच्या वाटेवर,

निरव शांततेत घडतोय मीच माझ्या हातावर.

निरव शांततेत अभ्यास कशाचा?

तर शोध स्वतःचा;

ज्ञान कशासाठी? तर घडवण्यासाठी माणूसपणाचा;

आणि जीवन कशासाठी?

तर अर्थपूर्ण भविष्य घडवण्यासाठी स्वतःचा!

निरव शांततेत शोध स्वतःचा...

विचारांत शोध विवेकाचा...

ज्ञानातून शोध माणूसपणाचा...

आणि त्या शोधातून घडव

भविष्य उज्ज्वल जगाचा..!

— विद्यार्थीमित्र प्रा. रफीक शेख.. ✍️

— एक साहित्यप्रेमी, विवेकवादी आणि समाजमाध्यमकार..

🔰 The Spirit of Zindagi Foundation

"मानवी सामर्थ्याला जागवणारं प्रेरणेचं क्षितिज..!"

Inspire | Educate | Empower | Excel