शिक्षणासाठी आवाज उठवणाराआज उपाशी आहे,

शिक्षणासाठी आवाज उठवणारा

आज उपाशी आहे,

तरीही सत्तेचा दरबार

निर्लज्जपणे गप्प बसला आहे...

शिक्षण वाचवण्याचा हा आवाज आहे,

फक्त एका व्यक्तीचा नाही,

तो उद्याच्या उज्ज्वल

पिढीच्या भविष्याचा साज आहे...

ज्याच्या हातात पुस्तक असतं,

त्याच्याच हातात राष्ट्राचं भाग्य असतं;

पण जेव्हा ज्ञानासाठीच उपोषण करावं लागतं,

तेव्हा लोकशाहीचं मौन अधिक वेदनादायी ठरतं...

भूक ही फक्त पोटाची नसते,

ती न्यायाचीही असते;

आणि संघर्ष हा फक्त व्यक्तीचा नसतो,

तो समाजाच्या विवेकाचा आरसा असतो...

आज जर सत्यासाठी उभे राहणारे

एकटे पडले,

तर उद्या प्रश्न विचारण्याचे

हक्कच हरवून जातील...

शिक्षण म्हणजे केवळ पदवी नव्हे,

ते विचारांचं स्वातंत्र्य आहे;

विद्यार्थ्यांच्या स्वप्नांना दिशा देणारं

राष्ट्रनिर्मितीचं सामर्थ्य आहे...

म्हणून चला,

मौनाची साखळी तोडू या,

विवेकाचा दीप पेटवू या;

ज्ञान, संविधान आणि न्यायासाठी

एकजुटीने पुढे सरकू या...

कारण इतिहास नेहमीच

सत्तेची ताकद मोजत नाही,

तो संघर्षाची उंची मोजतो;

आणि काळाच्या न्यायालयात

सत्यासाठी उभे राहणारेच

खरे विजेते ठरतात...!

-एक विद्रोही.. ✍️

#विद्यार्थीमित्र प्रा. रफीक शेख.. ✍️

-एक साहित्यप्रेमी, विवेकवादी आणि समाजमाध्यमकार..

🔰 The Spirit of Zindagi Foundation

"मानवी सामर्थ्याला जागवणारं प्रेरणेचं क्षितिज..!"

Inspire | Educate | Empower | Excel